Error: No articles to display

له‌ سلێمانی ئاو چووه‌ ناو 41 ماڵ

تشرینی یەکەم 28, 2018

جه‌ماوه‌رنیوز
لە شاری سلێمانی ئامادەکاری پێشوەخت دەکرێت بۆ رێگری کردن لە لافاو هەر حاڵەت و کارەساتێکی سروشتی , قائیمقامی سلێمانیش دەڵێت پلانێکی تۆکمەیان داناوە بۆ پاراستنی سەر و ماڵی هاوڵاتیان لە ئەگەری روودانی هەر حاڵەتێکی نەخوازراو.
ئەمڕۆ یەک شەممە 28ی تشرینی یه‌که‌م له‌ کۆنگره‌یه‌کی رۆژنامه‌وانیدا ئاوات محەمەد، قائیمقامی سلێمانی رایگەیاند پلانێکی تۆکمەیان داڕەشتووە بۆ بەرەنگاربوونەوەی هەموو ئەو رووداو حاڵەتانەی کە لە کاتی لافاو بارانی بەهێزدا ئەگەری روودانی دەکرێت.
ناوبراو ئاماژەی بۆ ئەوە کرد لەیەکەم شەپۆلی باران باریندا لە سلێمانی "84,6" ملم باران باریووە و 41 حاڵەتی ئاوچوونە ماڵان هەبووە، بەڵام خۆشبەختانە هیچ زیانێکی گەورەی بەدواوە نەبووە ئەوەشی گەڕاندەوە بۆ بوونی ژێرخانێکی تۆکمەی ئاوەڕۆ لە سلێمانی و رۆَڵی تیمەکانی فریاگوزاری بۆ بەهاناوەچونی هاوڵاتیان,
ئاوات محەمەد راشگەیاند وەک ئامادەکارییەکی پێشوەخت بۆ رێگری کردن لە دروستبونی لافاو شارەوانی سلێمانی هەڵمەتێکی فراوانی رێکخستووە بۆ پاککردنەوەی مەنۆڵ و ئاوەڕۆکانی شاری سلێمانی کە ئەمەش رۆڵی گەورەی دەبێت لە کەمکردنەوەی کاریگەرییەکانی شەپۆلی باران بارین.