Error: No articles to display

تورکیا له‌باکورى سوریا هێرش ده‌کاته‌ سه‌ر یه‌په‌گه‌

تشرینی یەکەم 28, 2018

جه‌ماوه‌رنیوز


ئه‌مڕۆ یه‌ک شه‌ممه‌ 28 ى تشرینى یه‌که‌مى 2018 له‌شکرى تورکیا له‌ رۆژهه‌ڵاتى ڕوبارى فورات هێرشى کرده‌ سه‌ر چه‌کدارانى یه‌په‌گه‌.

ئاژانسى هه‌واڵنێرى فه‌رمى تورکیا ئانادۆلوو بڵاویکرده‌وه‌ که‌ هێرشه‌کانى تۆپخانه‌ سه‌نگه‌رى یه‌کینه‌کانى پاراستنى گه‌ل (یه‌په‌گه‌) له‌ زۆرمۆقار کردۆته‌ ئامانج.

ئه‌و گونده‌ هه‌ڵکه‌وتوو له‌ باکورى حه‌له‌ب له‌ نزیک روبارى فوراته‌ شوێنێک هێزه‌کانى ئوپوزسیۆنى سوریا ئه‌وانه‌ى تورکیا پشتیوانیانه‌، له‌ گه‌ڵ هێزه‌کانى پاراستنى گه‌ل لێکیان جیاده‌کاته‌وه‌.

ڕێکخراوى چاودێرى بۆ مافه‌کانى مرۆڤ له‌ سوریا و ئاژانسى په‌یامنێرى هاوار له‌ڕاپۆرتێکدا ئاماژه‌ به‌وه‌ده‌کات که‌ تۆپخانه‌ى تورکیا گونده‌کانى دیکه‌شى له‌ رۆژهه‌ڵاتى ڕوبارى فورات خستۆته‌ به‌ر هێرش. ئاژانسى هاوار ده‌ڵێت هیچ ڕاپۆرتێک سه‌باره‌ت به‌ زیانه‌کانى گیانى نیه‌.

ڕێکخراوى چاودێرى بۆ مافه‌کانى مرۆڤ ووتى تۆپبارانى گونده‌کانى نزیک کۆبانی، واتا شوێنێکى به‌هێزى شه‌ره‌ڤانانى کورد، له‌ ده‌مێکدا دێت که‌ ئه‌و شه‌ڕه‌ڤانانه‌ به‌ دواى هه‌ڕه‌شه‌کانى تورکیا له‌ ئاماده‌باشیدا بوون.

ئه‌مه‌ریکا پشتیوانى له‌ شه‌ڕه‌ڤانانى کورد ده‌کات ئه‌وانه‌ى له‌ سوریا له‌ گه‌ڵ داعش به‌شه‌رهاتن. ئه‌و پشتیوانیه‌ بۆته‌ هۆى ئه‌وه‌ى له‌ نێوان ئه‌مه‌ریکا و تورکیادا جیاوازى دروست بێت.