ژماره‌ی قوربانیانی لافاو له‌ ئێران به‌رزبویه‌وه‌

ئازار 28, 2019

جه‌ماوه‌رنیوز

ژماره‌ی ئه‌و كه‌سانه‌ی كه‌ گیانیان له‌ ده‌ستدا به‌ هۆی لافاو له‌ ئێران به‌رزبویه‌وه‌ بۆ زیاتر له‌ 40 له‌كه‌س.
 ئاژانسی هەواڵی میهر بڵاویكردەوە بە هۆی لافاوەوە لەسەرتاسەری ئێران 44 كەس گیانیان لەدەستداوە و 265 كەسی دیكه‌ برینداربوون.

ڕۆژی دوو شه‌ممه‌ 25ی ئازار به‌ هۆی باران بارینی زۆره‌وه‌ لافاو له‌ هه‌ریه‌كه‌ له‌ پارێزگای گوڵستان و مازنده‌ران و كرماشان چه‌ند ناوچه‌یه‌كی دیكه‌ی ئێران ڕوویدا ژماره‌یه‌ك له‌ هاوڵاتیان گیانیان له‌ ده‌ستدا و ژماره‌یه‌كی دیكه‌ برینداربوون و به‌ دوایخۆیشدا لافاوه‌كه‌ زیانی مادی به‌ دوای خۆیدا هێنا.