مه‌كته‌بی سیاسی حزبی سۆسیالیست ڕاگه‌یه‌نراوێك بڵاوده‌كاته‌وه‌

ولیه‌م باڕ پـۆستى وه‌زیرى دادى ئه‌مه‌ریکا ده‌گرێته‌ده‌ست

شوبات 14, 2019

جه‌ماوه‌رنیوز


ئه‌نجومه‌نى سیناتى ئه‌مه‌ریکا ولیه‌م باڕى په‌سه‌ندکرد بۆ گرتنه‌ده‌ستى پـۆستى وه‌زیرى داد، به‌وه‌ش شوێنى جێف سێشنس ده‌گرێته‌وه‌ که‌ له‌ 7 ى مانگى کانونى یه‌که‌مى ساڵى ڕابردوو ده‌ستبه‌ردارى پـۆسته‌که‌ى بوو.

ئه‌نجومه‌نى سیناتى ئه‌مه‌ریکا ئه‌مڕۆ پـێنجشه‌ممه‌ به‌ ده‌نگى 54 به‌رامبه‌ر 45 ، ئه‌م بڕیاره‌ى دا که‌ هه‌رچه‌نده‌ به‌شى زۆرى دیموکراته‌کان له‌گه‌ڵیدا نه‌بوون.

کۆشکى سپى بڕیاره‌که‌ى به‌ سه‌رکه‌وتن بۆ دادپه‌روه‌رى و سه‌روه‌رى یاسا له‌ ئه‌مه‌ریکا ناودێرکرد.

به‌پـێى وه‌زاره‌تى داد ولیه‌م باڕى ته‌مه‌ن 68 ساڵ بڕیاره‌ ئه‌مڕۆ له‌واشنتنى پایته‌خت له‌ کۆشکى سپى سوێندى یاسایى بخوات.

جێى ئاماژه‌یه‌ ولیه‌م باڕ که‌سێکى کۆماریـیه‌ و له‌ سه‌رده‌مى سه‌رۆک جۆرج بوشى باوکیش له‌ نێوان ساڵانى 1991 هه‌تا 1993 وه‌زیرى دادى بووه‌.