ئه‌مریکا مافى په‌نابه‌رێتى ده‌دات به‌ په‌نابه‌رانى دوورگه‌کان

ئەیلول 29, 2018

جه‌ماوه‌رنیوز

ئاژانسى هه‌واڵى ناین نیوزى ئوسترالى بڵاویکرده‌وه‌ ویلایه‌ته‌ یه‌کگرتووه‌کانى ئه‌مریکا مافى په‌نابه‌رێتى داوه‌ به‌ 17 په‌نابه‌رى ترى دوورگه‌ى مانوسى پاپانیوگینیا و گواستراونه‌ته‌وه‌ بۆ ئه‌مریکا.

به‌گوێره‌ى ئاماره‌ فه‌رمییه‌کان ، تا ئێستا 147 په‌نابه‌ر له‌و دوورگه‌یه‌وه‌ گوستراونه‌ته‌وه‌ بۆ ئه‌مریکا و 214 په‌نابه‌رى تریش له‌ دوورگه‌ى (ناورۆ) وه‌ گواستراونه‌ته‌وه‌ بۆ هه‌مان ووڵات.
له‌سه‌رده‌مى ئیداره‌ى باراک ئۆمابادا، ئه‌مریکا و ئوسترالیا ڕێکه‌وتنامه‌یه‌کیان ئیمزا کرد به‌مه‌به‌ستى گواستنه‌وه‌ى به‌شێک له‌ په‌نابه‌رانى دوورگه‌ى ناورۆ و مانوسى پاپانیوگینیا بۆ ئه‌مریکا. ئه‌و ڕێکه‌وتنه‌ بۆ یه‌ک جاره‌ و ته‌نها بۆ ئه‌و په‌نابه‌رانه‌یه‌ که‌ له‌ئێستادا له‌و دوو دوورگه‌یه‌ن.

په‌نابه‌رانى دوورگه‌ى ناورۆ و مانوسى پاپانیوگینیا ئه‌و په‌نابه‌رانه‌ن که‌ پێشتر ویستویانه‌ به‌ قاچاخ و به‌ به‌له‌م ڕوو له‌ ئوسترالیا بکه‌ن. بۆیه‌ هه‌رگیز له‌ ئوسترالیا نیشته‌جێ ناکرێن.