پزیشكه‌كان بڕیار له‌ به‌شداریكردنی میسی ده‌ده‌ن له‌ كلاسیكۆ

شوبات 05, 2019

جه‌ماوه‌رنیوز

سبەى چوار شه‌ممه‌ 6ی شوبات  لە قۆناغى چوار گۆشه‌ی زێڕینی جامى شاى ئیسپانیا هەردوو یانەى ریاڵ مەدرید و بەرشەلۆنە ڕووبەڕوى یەکده‌بنه‌وه‌ یارییەکەش لە نێو یاریگای کامپ نۆ ئەنجامدەدرێت.

 له‌ باره‌ی به‌شداریكردنی میسی له‌ كلاسیكۆ ئارنیستۆ ڤاڵڤێردی راهێنه‌ری به‌رشلۆنه‌ ڕایگه‌یاند به میسی و به‌بێ مێسیش ئێمه‌ بۆ بردنه‌وه‌ ده‌چینه‌ كامپ نۆ، راسته‌ هه‌بوونی میسی كاریگه‌ری باشی بۆ به‌رشلۆنه‌ ده‌بێت، به‌ڵام له‌ ئه‌گه‌ری به‌شدارینه‌كردنی یاریزانمان هه‌یه‌ بۆ پڕكردنه‌وه‌ی شوێنه‌كه‌ی.

ڤاڵڤێردی ئه‌وه‌شی خسته‌روو ناتوانم بڕیار له‌ باره‌ی به‌شداریكردنی میسی بده‌م، پزیشكه‌كان بڕیاری كۆتایی و یه‌كلاكه‌ره‌وه‌ ده‌ده‌ن‌.

ڤاڵڤێردی گوتیشی: لویس سوارێز بۆ یارییه‌كه‌ ئاماده‌یه‌، ئه‌گه‌ر مسیش به‌شداری یارییه‌كه‌ بكات هیچ كێشه‌یه‌كمان له‌ هێڵی پێشه‌وه‌ نابێت و ده‌بینه‌ خاوه‌نی سێكوچكه‌یه‌كی باش بۆ یاری كلاسیكۆ.
رۆژنامەى دۆن باڵۆنى ئیسپانى بڵاویكرده‌وه‌ ئەگەرى زۆرە میسی لە سەرەتایى یارییەکەوە نەتوانێت بەشدارى بکات