جەماوەر نیوز
وتەبێژی حەج و عومرەی هەرێم رایدەگەیەنێت، زیاتر لە هەزار کەس کە ناویان بۆ حەجی ساڵی 2026 دەرچووە نەچوون بەدەم مامەڵەکانیانەوە.
کاروان ستونی وتەبێژی حەج و عومرەی هەرێم لە لێدوانێکی تایبەتدا رایگەیاند، تائێستا سێ هەزار و 625 کەس لەوانەی ناویان بۆ فەریزەی حەجی ساڵی 2026 دەرچووە، پارەیان داوە و مامەڵەیان تەواو کردووە و نزیکەی هەزار و 265 حاجیش ماون کە دەستیان بە مامەڵەکانیان نەکردووە.
داوایشیکرد، ئەوانەی مامەڵەیان نەکردووە لە ئەمرۆ شەممەوە سەردانی نوسینگەکانی حەج و عومرە و بانکەکان بکەن تا تووشی قەرەباڵغی نەبن و مامەڵەکانیان دوا نەکەوێت و سوود لەو کاتە وەربگرن کە بانکەکان هێشتا دەستیان بە دابەشکردنی مووچە نەکردووە، چونکە لە ئەگەری دابەشکردنی مووچە لە سەرەتای ئەم هەفتەیە قەرەباڵغییەکی زۆر لە بانکەکان دروست دەبێت.