
ئهتوانى لهرێگاى ئیمهیڵ و ژماره تهلهفۆنهکانمانهوه پهیوهندیمان پێوهبکهیت و راوسهرنج وپێشنیارو داواکاریهکانى خۆت بخهیتهروو.
07705066052
سەرۆکی نوێنەرایەتیی حکوومەتی هەرێمی کوردستان لە بەغدا پێی وایە لەم چەند ڕۆژە وەزارەتی دارایی عێراق مووچەی مانگی ئەیلوولی فەرمانبەرانی هەرێم دەنێرێت
فارس عیسا، سەرۆکی نوێنەرایەتیی حکوومەتی هەرێمی کوردستان لە بەغدا ڕایگەیاند: لەو باوەڕەم وەزارەتی دارایی عێراق ڕۆژی یەکشەممەی داهاتوو مووچەی مانگی نۆی فەرمانبەرانی حکوومەتی هەرێمی کوردستان بنێریت، ئاماژەشی دا، هەوڵی ئەوە دەدەن حکوومەتی عێراق مووچەی مانگەکانی داهاتووش بنێرێت.
دەشڵێت: پێویست بوو حکوومەتی فیدراڵ ئەم هەفتەیە مووچەی فەرمانبەرانی هەرێمی کوردستان ناردبایە، چونکە ئێمە هەموو پابەندییەکانی خۆمان جێبەجێ کردووە، دووپاتیشی دەکاتەوە هەفتەی ڕابردوو 120 ملیار دینار داهاتی نانەوتی خراوەتە سەر هەژماری وەزارەتی دارایی لە بانکی ناوەندی.
ئەمەش لە کاتێکدایە، وەزارەتی دارایی و ئابووری ڕایگەیاند، بەیانیی ڕۆژی سێشەممە، 25ـی تشرینی دووەمی 2025، لیستی مووچەی مانگی تشرینی یەکەم (10)ـی فەرمانبەران و مووچەخۆران، لەلایەن تیمی تەکنیکی وەزارەتی دارایی و ئابووریی هەرێمی کوردستانەوە ڕادەستی فەرمانگەی ژمێریاری وەزارەتی دارایی حکوومەتی فیدراڵ کرا.



ئهتوانى لهرێگاى ئیمهیڵ و ژماره تهلهفۆنهکانمانهوه پهیوهندیمان پێوهبکهیت و راوسهرنج وپێشنیارو داواکاریهکانى خۆت بخهیتهروو.
07705066052
