تونسیه‌كان به‌ چاوی پڕ له‌ فرمێسكه‌وه‌ ماڵئاوایان له‌ سه‌رۆكه‌كه‌یان كرد

27.07.2019
جەماوەر نیوز
ئه‌مڕۆ شه‌ممه‌ 27ی ته‌موز مه‌راسیمی به‌ خاكسپاردانی یه‌كه‌م‌ سه‌رۆكی هه‌ڵبژێردراوی تونس و به‌ شێوه‌یه‌كی دیموكراسی به‌ڕێوه‌چوو.
باجی قاید سبسی، سه‌رۆكی تونس ڕۆژی پێنج شه‌ممه‌ 25ی ته‌موز له‌ ته‌مه‌نی 93 ساڵی كۆچی دوایكرد و ئه‌مڕۆ به‌ ئاماده‌بونی ژماره‌یه‌كی زۆر له‌ سه‌ركرده‌ و به‌رپرسانی بڵاوی وڵاتان مه‌راسیمی ماڵئاوایكردن به‌ ئاماده‌بونی خانه‌واده‌ی سبسی به‌ڕێوه‌چوو و هاوڵاتیانی تونس به‌ چاوی فرمێسكاویه‌وه‌ ماڵئاوایان له‌ سه‌رۆكی كۆچكردوی وڵاته‌كه‌یان كرد.
سبسی سەركردەیەكی سیاسی عەلمانی لیبراڵ بوو لە ژێر كاریگەری بیرو و باوەڕی حەبیب بۆرقیبەی یەكەم سەرۆك كۆمار و دامەزرێنەری كۆماری تونس بوو لە دوای سەربەخۆی تونس لەساڵی ١٩٦٣-١٩٦٥ وەزیری ناوخۆبووە
دواتر پۆستی باڵوێزی تونس لە فەرەنسا و سەرۆكی پەرلەمان و سەرۆكی ئەنجومەنی وەزیرانی وەرگرتوە لەسەردەمی زین العابدین بن علی دا، لە دوای لادانی بن علی بزوتنەوەی ندائی تونسی دامەزراند بە هاوبەشی لەگەڵ ئیخواندا( حركە النهضة) دەسەڵاتیان لە تونس گرتە دەست و لە ساڵی ٢٠١٤ سەرۆك كۆماری تونسە.