ئه‌ردۆغان: ده‌چینه‌ رۆژهه‌ڵاتى فورات ، به‌ رووسیا و ئه‌مریکامان راگه‌یاندووه‌

04.08.2019
جەماوەر نیوز

سه‌رکۆمارى تورکیا، ره‌جه‌ب ته‌یب ئه‌ردۆغان رایگه‌یاند: "چووینه‌ عه‌فرین، جه‌رابلوس و ئه‌لباب. ئێستاش ده‌چینه‌ رۆژهه‌ڵاتى فورات. ئێمه‌ ئه‌مه‌مان به‌ رووسیا و ئه‌مریکا راگه‌یاندووه‌". 

سه‌رکۆمارى تورکیا، ره‌جه‌ب ته‌یب ئه‌ردۆغان له‌ میانى رێوڕه‌سمى کردنه‌وه‌ى هاوبه‌شى نه‌خۆشخانه‌ى بورسا و رێگاى نێوان ئیستانبوڵ-بورسا، وتارێکى پێشکه‌ش کرد.

ئه‌ردۆغان رایگه‌یاند: "ئه‌و رێگایه‌ى کاتێک وه‌رمانگرت درێژییه‌که‌ى شه‌ش هه‌زار و 100 کیلۆمه‌تر بوو به‌شێوه‌یه‌کى پچێ‌ پچڕ، ئه‌مڕۆ گه‌یاندوومانه‌ته‌ 26 هه‌زار و 764 کیلۆمه‌تر."

سه‌رکۆمارى تورکیا له‌باره‌ى ئابوورى تورکیاوه‌ وتی: "بانگهێشتى هه‌موو هاووڵاتییانم ده‌که‌م. پێویسته‌ هه‌مووان ئیدى گوێ به‌و قسه‌ و قسه‌ڵۆکانه‌ نه‌ده‌ن که‌ له‌ دژى ئابووریمان ده‌گوترێت و خه‌ریکى کارى خۆیان بن".

ئه‌ردۆغان هه‌روه‌ها باسى له‌ ئۆپه‌راسیۆنى رۆژهه‌ڵاتى فوراتیش کرد و وتی: "چووینه‌ عه‌فرین، جه‌رابلوس و ئه‌لباب. ئێستاش ده‌چینه‌ رۆژهه‌ڵاتى فورات. ئێمه‌ ئه‌مه‌مان به‌ رووسیا و ئه‌مریکا راگه‌یاندووه‌".

 

 

 

 

 

 

 

 

ئانادۆڵ