به‌بۆنه‌ی ساڵڕۆژی دامه‌زراندنی پارتی دیموكراتی كوردستان بەڕێز محه‌مه‌د  حاجی محمود  په‌یامێكی پیرۆزبایی ئاراسته‌ی به‌ڕێز مسعود بارزانی ده‌كات.

ده‌قی په‌یامی پیرۆزبایی به‌ڕێز محه‌مه‌د حاجی مه‌حمود:
به‌ڕێز جه‌نابی کاک مه‌سعود بارزانى
به‌ڕێزان ئه‌ندامانى مه‌کته‌بی سیاسی و سەرکردایەتى پارتى دیموکراتى کوردستان
بە بۆنه‌ى ساڵڕۆژى دامه‌زراندنى پارتى دیموکراتى کوردستانه‌وه، ‌کە رۆژێکى گرنگ و پرشنگدارى نەتەوەیى و هاوقۆناغى بووژانەوەى بزاڤى کوردایەتییە لەسەرتاسەرى کوردستان، پیرۆزبایى گەرم پێشکەشى به‌ڕێزتان و سەرجەم ئه‌ندامان و لایه‌نگرانى پارتە تێکۆشەرەکەتان دەکەین.
دامه‌زراندى پارتى دیموکراتى کوردستان لەو کاتەدا کە سەردەمى دووبارە بنیادنانەوەى دەوڵەتان و سەربەخۆیى بەشێکى ترى گەلانى ناوچەکە بوو، هەنگاوێکى پێشکەوتنخوازانەى سەرکردایەتى شۆڕش و خەباتى نەتەوەییمان بوو بە ئامانجى بەدیهێنانى مافەکانى کورد و کوردستانێکى ئازاد و دیموکرات.
ئێستاش وا بەشانازییەوە پارتە تێکۆشەرەکەتان و ئەو خەونە نەتەوەیییه‌مان دواى رووبارێک خوێن و فرمێسک، لە دڵى رۆڵەکانى گەلەکەماندا زیندووەو رێگاى گیانبەخشین و ئاییندە و ئومێدە و سەرەراى بەدیهێنانى دەستکەوتى مێژوویى، بەڵام هێشتا هەڕەشەو مەترسیش کۆتایى نەهاتووە و ئامانجى باڵامان لەخۆبردوویى و خەبات و قوربانى زیاترمان لێ دەخوازێت.
جارێکى تر لەگەڵ جوانترین پیرۆزبایى، جەخت لەسەر پەیوەندى دۆستانەو خەباتى برایانەى نیشتمانى حزبى سۆسیالیست دیموکراتى کوردستان و پارتى دیموکراتى کوردستان دەکەینەوەو هیوادارین ئەم یادە ببێته‌ هانده‌ر بۆ‌ زیاتر به‌هێزبوونى هه‌رێمى کووردستان و یه‌کڕیزى نێوماڵى کورد و هێزه‌ سیاسیه‌کان، لەپێناو خزمه‌تى زیاترى هاوڵاتیانى کوردستان و ئامانجە باڵاکانى گەلەکەمان.

دڵسۆزتان محەمەدى حاجى مەحمود