له‌ هه‌ولێر پاپای ڤاتیكان وتارێكی پێشكه‌ش كرد

07.03.2021
جەماوەر نیوز

به‌ ئاماده‌بوونی سه‌رۆكی هه‌رێمی كوردستان و سه‌رۆكی حكومه‌تی هه‌رێمی كوردستان له‌ یاریگای نێوده‌وڵه‌تی فه‌ره‌نسۆ هه‌ریری، پاپا فرانسیس پاپای ڤاتیكان قه‌داسێكی ئاینیی به‌ڕێوه‌برد و وتارێكی ئاینیی پێشكه‌ش به‌ ئاماده‌بووان كرد.

مه‌راسیمه‌كه‌ به‌ به‌شداری زیاتر له‌ 10 هه‌زار هاووڵاتی كریستیان و كه‌سایه‌تی و لایه‌نه‌كان به‌ڕێوه‌چوو.
له‌ وتاره‌كه‌یدا پاپا جه‌خیتكرده‌وه‌، عیسای مه‌سیح داخوازی له‌ مرۆڤایه‌تی ده‌كات، راست و پاك بێت و خۆی به‌ دوور بگرێت له‌ گیانی شه‌ڕانگێزانه‌.
هه‌روه‌ها گوتی: له‌ عێراقدا كاری زۆر كراوه‌ و له‌ حیكمه‌تی خاچ تێگه‌یشتوون.
جه‌ختیشیكرده‌وه‌، خه‌ڵكی هه‌مووان خوشك و برای یه‌كدین و پێویسته‌ په‌ند و وانه‌ له‌ هه‌ڵه‌كان وه‌رگرین.