محه‌مه‌د حاجی مه‌حمود داوای لێبوردن بۆ زیندانییان ده‌كات

12.05.2021

وێنەکان

محه‌مه‌د حاجی مه‌حمود داوای لێبوردن بۆ زیندانییان ده‌كات

جەماوەر نیوز

محه‌مه‌د حاجی مه‌حمود په‌یامێكی پیرۆزبایی به‌بۆنه‌ی جه‌ژنی ڕه‌مه‌زانی پیرۆزه‌وه‌ بڵاوكرده‌وه‌ له‌ په‌یامه‌مه‌یدا هاتووه‌ " یەکڕیزی هێزە کوردستانییەکان زامنی سەرکەوتنە، دامەزراندنی ئەنجومەنێکی سیاسی لە کوردستان و کۆکردنەوەی هەموو لایەک زەرورەتێکی ئێستایە، بۆ باشکردنی باری ژیانی هاوڵاتیانمان".

ده‌قی په‌یامی پیرۆزبایی محه‌مه‌د حاجی مه‌حمود:

به‌ ناوی خوای به‌خشنده‌ و میهره‌بان
به‌ بونه‌ی هاتنی جه‌ژنی ڕه‌مه‌زانی موبارەکەوە جوانتریت پیرۆزبایی له‌ موسڵمانانی جیهان بەگشتی و موسڵمانانی کوردستان بەتایبەتی ئەکەم. پیرۆزبایی جەژنی ڕەمەزان لە خانەوادەی سەربەرزی شەهیدان و پێشمەرگە قارەمانەكان ئەکەم.
هیوادارم جەژنی ڕەمەزان جەژنی خێرو خۆشی و ئاشتی و پێکەوە ژیان بێت وە داوا لە حکومەتی هەرێمی کوردستان ئەکەم بە هۆی مانگی ڕەمەزانی موبارەک و جەژنەوە لێبوردنێک بۆ زیندانیانی کوردستان دەربکات، دڵی ماڵ و خێزانەکانیان لەم جەژنەدا خۆش بکات، ئەمەش هەنگاوێکی نەتەوەیی و نیشتمانی و مرۆڤایەتی و کوردایەتیە لەم بەرە جەژنەدا.
لەکاتێکدا جەژنی موبارەکی ڕەمەزان دەکەین، هێشتا ڤایرۆسی کۆرۆنا جێی مەترسیە، پێویستە ڕێنمایەکانی وەزارەتی تەندروستی هەرێم بەهەند وەربگرین، لە لایەکی ترەوە قەیرانی دارایی و کێشەی بەغداد و لێکترازانی ڕاو بۆچونی کورد و لایەنە سیاسیەکان، یەکڕیزی هێزە کوردستانییەکان زامنی سەرکەوتنە، دامەزراندنی ئەنجومەنێکی سیاسی لە کوردستان و کۆکردنەوەی هەموو لایەک زەرورەتێکی ئێستایە، بۆ باشکردنی باری ژیانی هاوڵاتیانمان.
دووباره‌ جه‌ژنتان پیرۆز و هه‌موو ڕۆژێكتان جه‌ژن و شادی بێت.
محه‌مه‌د حاجی مه‌حمود
2021/5/12
گوڵەخانە