یانه‌ی وه‌رزشی به‌ختیاری ڕونكردنه‌وه‌یه‌ك له‌ باره‌ی ئه‌نجامی یاری یانه‌كه‌یان له‌ به‌رامبه‌ر یانه‌ی خورماڵ بڵاوده‌كاته‌وه‌.

ده‌قی ڕونكردنه‌وه‌ی یانه‌ی وه‌رزشی به‌حتیاری:

ڕونكردنەوەیەك لەیانەی وەرزشی بەختیارییەوە
زۆرێك لەدەزگاكانی ڕاگەیاندن و رۆژنامەنووسانی وەرزشی و پەیجە وەرزشییەكان پرسیارمان لێدەكەن سەبارەت بەئەنجامی یاری نێوان یانەكەمان و یانەی وەرزشی خورماڵ، بۆیە بەپێویستمان زانی ئەم ڕونكردنەوە بڵاو بكەینەوە:

1- یانەی وەرزشی بەختیاری لەو یارییەدا ئامانجی سەركەوتن و بەدەست هێنانی سێ خاڵی یارییەكە بووە ، ئەو بەڕێزانەی لەیاریگا ئامادەی بینینی یاریكە بووبن دەزانن تاوەكو دواخولەكی یاریەكە یانەی وەرزشی بەختیاری توانای خۆی خستبوە گەڕ لەپێناو سەركەوتن . هەر شتێكی تر كەباس دەكرێت ڕاست نییەو هیچ بنەمایەكی نییە.
2- پێش دەست پێكردنی یاریەكە بە (5) خولەک ڕاهێنەر و سێ یاریزانی یانەكەمان یاریگایان جێهێشت .. كەهۆكارەكەی هیچ پەیوەندی بە یاریكردن بەئەنجامی یاری نێوان یانەكەمان و یانەی وەرزشی خورماڵەوە نەبووە ، بەڵكو دەگەڕێتەوە بۆئەوەی كە ئیدارەی یانەكەمان گەشتبووە ئەو بڕوایەی پێویستە هەندێك یاریزان پشویان پێ بدرێت كە لەیارییەكانی پێشووی یانەكەمان هۆكاری سەرەكی بوون بۆ بەدەست نەهێنانی ئەنجامی باش ، بۆ ئەم مەبەستەش چوار ڕۆژ پێش یاریەكەمان لەگەڵ یانەی خورماڵ، ڕاهێنەرمان ئاگاداركردۆتەوە کە پشوو بەو یاریزانانە بدات، ڕاهێنەریش بەو مەرجەی ئیدارەی یانەکە ڕازی بووە.
بەڵام بەپێچەوانەوە پێش دەست پێكردنی یارییەكە ، ڕاهێنەر هەمان ئەو یاریزانانەی هێناوەتەوە و پابەند نەبووە بە بەڵێنەكەیەوە .
بۆیە یانەكەش مافی ئەوەی پێنەدا هیچ كام لەو یاریزانانە یاری پێبكات .. ئەم یاریزانانەش یاریزانی تیپێكی میللین كە ڕاهێنەر خۆی ئەو تیپە میللیەش بەڕێوە دەبات .
بۆیە پێش دەستپێكردنی یاریەكە بە (5) خولەك ، ڕاهێنەرو ئەو یاریزانانە كە ژمارەیان 3 یاریزان بوو یاریگایان جێهێشت .
بۆیە یانەی وەرزشی بەختیاری یانەیەكی دێرینی پارێزگای سلێمانییەو ناوو ناوبانگی یانەكە لەهەمووشت بەگرنگتر دەزانێت.