نرخی نه‌وت به‌رده‌وامه‌ له‌ به‌رزبونه‌وه‌

23.06.2021
جەماوەر نیوز
 بەرەبەیانی ئەمڕۆ چوارشەممه‌ 23ی خوزه‌یرانی 2021 به‌رزبونه‌وه‌ی نرخی نه‌وت دوای کردنەوەی بازاڕەکانی ئاسیا بەردەوام بوو. نرخی هەر بەرمیل نەوتی برێنت 42 سەنت بەرزبووەو بە 75 دۆلار و 23 سەنت مامەڵەی پێوەکرا.
نرخی نەوتی سووکی تەکساسی ئەمریکاش 33 سەنت بەرزبووەوە و بە 73 دۆلار و 18 سەنت مامەڵەی پێوەکرا. بەرزبوونەوەی نرخی نەوت بەهۆی کەمبوونەوەی قەبارەی نەوتی کۆگاکراوی ئەمریکا و بەرزبوونەوەی خواستە بۆ بەکارهێنانی نەوت.
پەیمانگەی نەوتی ئەمریکا رایگەیاند هەفتەی رابردوو قەبارەی نەوتی کۆگاکراوی ئەمریکا هەفتەی رابردوو 7.2 ملیۆن بەرمیل کەمیکردووە.
بەردەوامی بەرزبوونەوەی نرخی نەوت لەکاتێکدایە کە بڕیارە سەرەتای مانگی داهاتوو ئەندامانی هاوپەیمانی ئۆپێک پلەس کۆببنەوە و بڕیار لەسەر بەرزکردنەوەی قەباری خستنەڕووی نەوت بدەن لە مانگی هەشتدا.

زۆرترین خوێندراو

  • ڕۆژ
  • هەفتە
  • مانگ