په‌رله‌مانی كوردستان ته‌مه‌نی خۆی درێژده‌كاته‌وه‌

07.10.2022

وێنەکان

په‌رله‌مانی كوردستان ته‌مه‌نی خۆی درێژده‌كاته‌وه‌

جەماوەر نیوز

سه‌رۆكی په‌رله‌مانی كوردستان بانگهێشتنامه‌یه‌ك بۆ به‌ڕێوه‌چوونی دانیشتنێكی ئاسایی، ئاراسته‌ی ئه‌ندامانی په‌رله‌مان ده‌كات، تێیدا چه‌ند پڕۆژه‌ یاسایه‌ك په‌سندده‌كرێت.
له‌ میانه‌ی بانگهێشتنامه‌یه‌كی سه‌رۆكی په‌رله‌مانی كوردستاندا هاتووه‌: پاڵپشت به‌ حوكمی بڕگه‌ی (سێیه‌م) له‌ مادده‌ی (18)ـی په‌یڕه‌وی ناوخۆی په‌رله‌مانی كوردستان-عێراق، رێواس فائق سەرۆکی پەرلەمانی کوردستان، بانگهێشتی گشت ئه‌ندامه‌ به‌ڕێزه‌كانی په‌رله‌مان دەکات، بۆ دانیشتنی ژماره‌ (11)ـی ئاسایی خولی پایزەی ساڵی چوارەم، له‌ كاتژمێر (10)ـی به‌یانی (رۆژی یه‌كشەممە 9ـی تشرینی یه‌كه‌م/ئۆكتۆبه‌ری 2022).
به‌رنامه‌ی كار بریتی ده‌بێت له‌:

به‌پێی حوكمی ماده‌ی (٥) و بڕگه‌ی (یه‌كه‌م) له‌ ماده‌ی (١٦) و بڕگه‌ی (سێیه‌م) له‌ ماده‌ی (١٨) و بڕگه‌كانی (یه‌كه‌م و دووه‌م و سێیه‌م و چواره‌م و پێنجه‌م) له‌ ماده‌ی (٢٠) و ماده‌كانی (٤٧، ٤٨) و بڕگەی (یەكەم) لە مادەی (٥٢) و مادەكانی (٥٤، ٥٥، ٥٦، ٥٧) له‌ په‌یڕه‌وی ناوخۆی په‌رله‌مانی كوردستان-عێراق، ده‌سته‌ی سه‌رۆكایه‌تیی په‌رله‌مان بڕیاریدا به‌رنامه‌ی كاری دانیشتنی ژماره‌ (١١)ی ئاسایی خولی پایزه‌ى ساڵی چوارەم له ‌خولی پێنجه‌می هه‌ڵبژاردنی په‌رله‌مان له‌ كاتژمێر (١٠)ی به‌یانیی ڕۆژی یه‌كشه‌ممه‌ ڕێكه‌وتی ۲۰۲۲/۱۰/٩ به‌م شێوه‌یه‌ بێت:
یەكەم: دەنگدان لەسەر پێشنیازەیاسای (بەردەوامبوونی خولی پێنجەمی پەرلەمانی كوردستان-عێراق)، به‌پێی حوكمی مادده‌كانی (٩٠، ٩١، ٩٣، ٩٦) له‌ په‌یڕه‌وی ناوخۆی په‌رله‌مانی كوردستان.
دووه‌م: بەردەوامبوون لەسەر خوێندنەوەی دووەم بۆ پڕۆژەیاسای (پەروەردە و فێركاری لە هەرێمی كوردستان-عێراق)، به‌پێی حوكمی مادده‌كانی (٨٧، ٨٨، ٨٩، ٩٧) له‌ په‌یڕه‌وی ناوخۆی په‌رله‌مانی كوردستان.