مه‌سرور بارزانی: ده‌بێت ئه‌مساڵ هه‌ڵبژاردن ئه‌نجامبدرێت

21.01.2023
جەماوەر نیوز

مه‌سرور بارزانی، سه‌رۆكی حكومه‌تی هه‌رێمی كوردستان ڕایگه‌یاند له‌ سه‌ره‌تاوه‌ له‌گه‌ڵ ئه‌وه‌ بووم، هه‌ڵبژاردنی په‌رله‌مانی كوردستان له‌كاتی خۆیدا بكرێت و درێژ نه‌كرێته‌وه‌، به‌ هه‌ر حاڵ ده‌بێت ئه‌مساڵ هه‌رچۆنێك بێت ئه‌و هه‌ڵبژاردنه‌ بكرێت.

وتیشی من خۆم به‌ هه‌موو توانای خۆم پشتیوانی ئه‌وه‌م هه‌ڵبژاردن له‌ كاتی خۆیدا بكرێت و هیچ رێگه‌ش به‌ بیانوو نه‌درێت بۆ ئه‌وه‌ی ئه‌م هه‌ڵبژاردنه‌ چیتر دوابخرێت. ئه‌وه‌ی له‌سه‌ر حكومه‌تیشه‌، دابینكردنی پێداویستییه‌كانه‌، ئاماده‌ین جێبه‌جێی بكه‌ین، به‌شێكیشی لایه‌نی یاساییه‌، هیوادارم ئه‌وانیش چاره‌سه‌ر بكرێن و ئیتر به‌ره‌و هه‌ڵبژاردنێكی سه‌ركه‌وتوو و بێگه‌رد.


زۆرترین خوێندراو