جەماوەر نیوز
ڕوسیا بۆ ماوه‌ی مانگێك پۆستی سه‌رۆكایه‌تیی خولانه‌وه‌ی ئه‌نجومه‌نی ئاسایشی نه‌ته‌وه‌ یه‌كگرتوه‌كانی گرته‌ ئه‌ستۆ، كه‌ ئه‌مڕۆ چوارشه‌ممه‌ 1ی (تشرینی یه‌كه‌م/10)ه‌وه‌ ده‌ستپێده‌كات.

سه‌رۆكایه‌تی ئه‌نجومه‌نی ئاسایش هه‌مو مانگێك له‌ وڵاتێكه‌وه‌ بۆ وڵاتێكی دیكه‌ ده‌خولێته‌وه‌ (ئه‌نجومه‌نه‌كه‌ 15 ئه‌ندامی هه‌یه‌، 10 ئه‌ندامی ناهه‌میشه‌یی و پێنج ئه‌ندامی هه‌میشه‌یی). ڕوسیا له‌م پۆسته‌دا جێگه‌ی یه‌كێك له‌ ئه‌ندامانی ناهه‌میشه‌ییه‌كانی كۆماری كۆریای گرته‌وه‌، دوایینجاریش ڕوسیا له‌ مانگی (ته‌مموز/7)ی ساڵی ڕابردودا سه‌رۆكایه‌تی ئه‌نجومه‌نه‌كه‌ی كرد.

مانگی (تشرینی یه‌كه‌م/10) ڕۆژێكی گرنگ و مێژویی گرنگه‌ بۆ نه‌ته‌وه‌ یه‌كگرتوه‌كان، 24ی (تشرینی یه‌كه‌م/10) ڕۆژی دامه‌زراندنی ڕێكخراوه‌كه‌یه‌، ئه‌م ڕۆژه‌ ساڵڕۆژی چونه‌ بواری جێبه‌جێكردنی میساقی نه‌ته‌وه‌ یه‌كگرتوه‌كانه‌ له‌ ساڵی 1954 و به‌مشێوه‌یه‌ نه‌ته‌وه‌ یه‌كگرتوه‌كان دامه‌زرا.

هه‌روه‌ك به‌ڵێنی سێرگی لاڤرۆڤ وه‌زیری ده‌ره‌وه‌ی ڕوسیا داوه‌، ڕوسیا به‌نیازه‌ له‌م ڕۆژه‌دا دانیشتنێكی تایبه‌تی ئه‌نجومه‌نی ئاسایش سازبكات، كه‌ بڕیاره‌ تیایدا تاوتوێی جێبه‌جێكردنی بنه‌ماكانی میساقی ڕێكخراوه‌كه‌ بكرێت.