چالاکى هونه‌رى له‌ سلێمانى به‌رێوه‌ده‌چێت

11.06.2017
جەماوەر نیوز
جه‌ماوه‌رنیوز

پاش نیوه‌ڕۆى رۆژى پێنج شه‌ممه‌ 28 -2-2019 له‌ هۆڵى ته‌وار له‌ شارى سلێمانى به‌ ئاماده‌بوونى به‌رپرسانى حکوومى و هونه‌رمه‌ندان و مامۆستایان و قوتابیانى په‌یمانگه‌که‌، چالاکى وه‌رزى هونه‌رى په‌یمانگه‌ى هونه‌ره‌ جوانه‌کانى سلێمانى ـ ناحکوومى بۆ به‌شه‌کانى شێوه‌کارى و شانۆ و میوزیک به‌ڕێوه‌چوو، تێیدا هه‌ریه‌ک له‌و به‌شانه‌ چالاکییه‌کانى خۆیان له‌ پێشانگاى شێوه‌کارى و گۆرانى و میوزیک و شانۆ پێشکه‌شى ئاماده‌ بووانى هۆڵه‌که‌ کرد.
سه‌رپه‌رشتیارى گشتى په‌یمانگاکه‌، هۆشیار حسێن محه‌مه‌د وتی: "په‌یمانگه‌که‌ ماوه‌ى شه‌ش ساڵه‌ دامه‌زراوه‌ و هاوشێوه‌ى په‌یمانگه‌ حکوومییه‌کان خزمه‌ت ده‌کات له‌ بوارى په‌روه‌رده‌ و هونه‌ر له‌ به‌شه‌کانى شانۆ و میوزیک و شێوه‌کاری، ده‌مانه‌وێت له‌م رێگه‌یه‌وه‌ رۆڵمان هه‌بێت له‌ زیاتر کاراکردن و بره‌ودان به‌ کاروانى رۆشنبیرى له‌ شاره‌که‌مان".
وتیشی: "ساڵانه‌ دوو چالاکى وه‌رزیمان هه‌یه‌ بۆ قوتابیانى په‌یمانگه‌ له‌ هه‌رسێ به‌شه‌که‌دا و چالاکییه‌کانى خۆیان له‌ بواره‌کانى شێوه‌کارى و میوزیک و شانۆ پێشکه‌ش ده‌که‌ن".
له‌ چالاکییه‌که‌دا جگه‌ کردنه‌وه‌ى پێشانگایه‌کى شێوه‌کاری، چه‌ندین چالاکى گۆرانى و میوزیک و شانۆیه‌کى کۆمیدى له‌لایه‌ن قوتابیانى په‌یمانگاکه‌وه‌ که‌ ژماره‌یان ٧٠ قوتابییه‌ پێشکه‌ش کران.