لۆگۆی نوێی سه‌رۆكایه‌تی هه‌رێم بڵاوكرایه‌وه‌

10.06.2019
جەماوەر نیوز
ئه‌مرۆ دوو شه‌ممه‌ 10ی حوزه‌یران سه‌رۆكایه‌تی هه‌رێمی كوردستان له‌گه‌ڵ سوێندخواردنی نێچیرڤان بارزانی،سه‌رۆكی نوێی هه‌رێمی كوردستان لۆگۆیه‌كی نوێی بڵاوكرده‌وه‌ كه‌ ده‌سته‌واژه‌ی سه‌رۆكایه‌تی هه‌رێمی كوردستانی به‌ زمانی ئینگلیزی خراوه‌ته‌ سه‌ر له‌پاڵ زمانی كوردی و عه‌ره‌بی كه‌ پێشتر به‌ته‌نها ئه‌و ده‌سته‌واژه‌یه‌ به‌و دوو زمانه‌ هه‌بوون.
لۆگۆ نوێیه‌كه‌ هه‌مان لۆگۆ كۆنه‌كه‌یه‌ واته‌ داڵێك باڵه‌كانی كراوه‌ته‌وه‌ له‌نێو ئاڵای كوردستان كه‌ ره‌نگه‌كانی سوور، سپی، سه‌وزه‌ و خۆرێكی 21 تیشكی لەنێودایه‌ و له‌ خواره‌وه‌ی داڵه‌كه‌ش ساڵی 2005 نووسراوه‌ كه‌ ساڵی دامه‌زراندنی سه‌رۆكایه‌تی هه‌رێمی كوردستانه‌.