جەماوەر نیوز
ئه‌مرۆ شاندی پارتی و یه‌كێتی له‌ سلێمانی كۆبوونه‌وه‌ و گه‌یشتنه‌ رێككه‌وتن بۆ راگه‌یاندنی ناوی كاندیدی پۆستی پارێزگاری نوێی كه‌ركوك و به‌ ره‌سمی ئه‌ندازیار ته‌یب جه‌باریان وه‌ك كاندیدی لیستی برایه‌تی بۆ پۆستی پارێزگار راگه‌یاند.
بڕیاره‌ لیژنه‌یه‌كی هاوبه‌ش پێكبهێنن بۆ ئه‌وه‌ی سه‌ردانی پێكهاته‌كانی كه‌ركوك و شاری به‌غدا بكات و ئه‌و پرسه‌ له‌گه‌ڵ پێكهاته‌كانی كه‌ركوك و حكومه‌تی عێراق یه‌كلا بكاته‌وه‌.
له‌ ئیستادا راكان سه‌عید جبووری،پارێزگاری كه‌ركوكه‌ به‌ وه‌كاله‌ت.
ئەندازیار تەیب جەبار ئەمین کاندیدی لیستی برایەتی بۆ پارێزگاری کەرکووک:
یه‌كێتی و پارتی له‌كۆبوونه‌وه‌ی ئه‌مڕۆیاندا بۆ دانانی ئه‌ندازیار ته‌یب جه‌بار بۆ پارێزگاری كه‌ركوك رێككه‌وتنیان ئیمزاكرد.
ژیاننامه‌ی ئه‌ندازیار ته‌یب جه‌بار ئه‌مین
ساڵی 1954 له‌ كه‌ركوك له‌ دایكبووه‌ خوێندنی سه‌ره‌تایی و ناوه‌ندیی و ئاماده‌یی له‌ كه‌ركوك ته‌واوكردوه‌
ساڵی 1976 كۆلێژی ئه‌ندازیاری به‌شی بیناسازی له‌ زانكۆی سلێمانی ته‌واوكردوه‌.
ساڵی 1978 تا 1992 فه‌رمانبه‌ر بووه‌ وه‌ك ئه‌ندازیار له‌ به‌ڕێوه‌به‌رایه‌تی رێگاوبانی سلێمانی
له‌ 1-8-1992تا 1-8-1997 بریكاری وه‌زاره‌تی ئه‌شغال و نیشته‌جێكردن بووه‌ له‌ كابینه‌ی یه‌كه‌م و دووھه‌می حكومه‌تی ھه‌رێمی كوردستان 
كۆتای ساڵی 1997 خۆی خانه‌نشین كردوه‌.
له‌ ساڵی 1998 له‌ كه‌رتی تایبه‌ت كاریكردوه‌ له‌بواری ئه‌ندازیاری
له‌ ساڵی 1970 ده‌ستی به‌ نووسین كردووه‌ 
خاوه‌نی چه‌ندین كتێبی شیعری و كتێبی ره‌خنه‌ییه‌
چه‌ندین نوسین و كتێبی ھه‌یه‌ له‌ بواری ئه‌ندازه‌ی شارو شوێن و ئاوه‌دانی
یه‌كێكه‌ له‌ دامه‌زرێنه‌رانی یه‌كێتیی ئه‌ندازیارانی كوردستان له‌ ساڵی 1992
له‌ ساڵی 1992 تا 2001 جێگری سه‌رۆكی یه‌كێتیی ئه‌ندازیارانی كوردستان بووه‌
ساڵی 2001 تا 2003 سه‌رۆكی یه‌كێتیی ئه‌ندازیارانی كوردستان بووه‌
ئه‌ندامی یه‌كێتیی نووسه‌رانی كورده‌
ئه‌ندامی یه‌كێتیی نووسه‌رانی عیراقه‌
ئه‌ندامی كۆمه‌ڵه‌ی روناكبیری و كۆمه‌ڵایه‌تی كه‌ركوكه‌