جەماوەر نیوز
پۆلیسی هەڵەبجە دەڵێت، تۆمەتباری روداوی كوژرانی دوو گەنجەكەی هەڵەبجە خۆی رادەستی پۆلیس كرد.
بەڕێوبەرایەتی پۆلیسی هەڵەبجە بڵاویكردەوە، تۆمەتباری روداوەكەی هەڵەبجە دەستگیركرا، كە بەرەبەیانی رۆژی 5-8-2025 كەسێك كە بە سواری ماتۆڕسكیل و كڵاوی لەسەردابووە، تەقەی لە سێ گەنج كرد لە گەڕەكی فەرمانبەران، كەلەئەنجامدا دوو گەنجیان گیانیان لەدەستدا و كەسێكی دیكەیان بریندار بوو.
ئاماژەی بەوەشكرد، دوای بەدواداچوون لەلایەن هێزەكانیانەوە، تۆمەتباری روداوەكە بە ناوی (ش . ف .ع) لە دایكبووی 2003 دانیشتوی پارێزگای هەڵەبجە خۆی رادەستی هێزەكانیان كردووە.
پۆلیسی هەڵەبجە راشیگەیاند، لەبەردەم دادوەری لێكۆڵینەوە دانی بەتاوانەكەدا ناوە لەئێستادا بەبڕیاری  دادوەر بەمادەی 406ـی یاسای سزادانی عیراقی راگیراوە و لێكۆڵینەوەكان بەردەوامە.