جەماوەر نیوز
ئەمڕۆ چوارشەممە ۷ـی ئابی ۲٠۲٥ لە گوندی گوڵەخانەی بناری سورێن، محەمەد حاجی مەحمود، سەرۆکی پارتی سۆسیال دیموکراتی کوردستان، بەئامادەبوونی ژمارەیەک لە ئەندامانی مەکتەبی سیاسی و ئەنجومەنی سەرکردایەتی پێشوازییانکرد لە ڕێکار ئەحمەد، سکرتێری حزبی ڕزگاریی کوردستان و شاندێکی یاوەری.
لەدیدارەکەدا، باس لە بارودۆخی سیاسی کوردستان، عێراق و ناوچەکە کرا و هەردوولا هاوڕابوون لەسەر گرنگی و پێویستی تەبایی و یەکڕیزی نێوان هێز و لایەنە سیاسییەکان  وەک زامنی سەرکەوتن بەسەرئەگەر و ئاڵنگارییەکاندا.
لە تەوەرێکی تردا باس لە پێکهێنانی کابینەی دەیەمی حکو مەتی هەرێمی کوردستان کرا و کارابوونی پەرلەمانی کوردستان و دامەزراوە شەرعیەکانی دیکە بۆ ئەوەی یاساکان لە پەرلەمانی کوردستان و دامەزراوەکانەوە دەربچێت لە بەرژەوەندی هاوڵاتیان
هەروەها باس لە بەڕێوەچوونی پرۆسەی هەڵبژاردنی پەرلەمانی عێراق کرا کە ىڕیارە مانگی یانزەی ئەمساڵ بەڕێوەبچێت
لە کۆتاییدا ڕێکار ئەحمەد، سکرتێری حزبی ڕزگاریی کوردستان و شاندێکی یاوەری زۆر سوپاسی محەمەد حاجی مەحمودیان کرد بۆ ئەو دیدار و پێشوازیە گەرمە و ڕۆڵی بەڕێزیان بەرزنرخاند لە یەکڕیزی و تەبایی نێو ماڵی کورد