جەماوەر نیوز
بەڕێوەبەرایەتیی بازرگانی و كەلوپەلی خۆراكی هەولێر دەڵێت، هەر هاووڵاتییەك كەمتەرخەم بێت لە وەرگرتنی بەشەخۆراكەكەی و نەچوونی بۆ لای بریكار، ناوی لە پسوڵەی خۆراك دەسڕدرێتەوە.
بەڕێوەبەرایەتیی بازرگانی و كەلوپەلی خۆراكی هەولێر لە ڕاگەیەندراوێكدا بڵاویكردەوە، لیژنەیەك پێكهێنراوە لەلایەن وەزارەتی بازرگانیی عێراق سەرپەرشتی دەكرێت و سەردانی بریكارەكانی خۆراك دەكەن، هەر بریكارێك لە شوێنی دابەشكردنەكەی دوكان یان ماڵ بەشەخۆراكی مانگەكانی پێشووتری لێ ببیندرێت بەشەخۆراكەكە دەستی بەسەردا دەگیرێت.
ئاماژەی بەوەشداوە، هەر هاووڵاتییەك كەمتەرخەم بێت لە وەرگرتنی بەشەخۆراكەكەی و نەچوونی بۆ لای بریكار ناوی لە پسوڵەی خۆراك دەسڕدرێتەوە.