هەڵمەتی دەستگیركردنی دەرۆزەكەران بەردەوامە و نۆ دەرۆزەکەر دەستگیرکران

پۆلیسی سلێمانی لە بڵاوکراوەیەکدا ڕایگەیاند، لەچوارچێوەی هەڵمەتی دەستگیركردنی دەرۆزەکەران لەشاری سلێمانی، مەفرەزەكانی بەشی پۆلیسی نەهێشتنی تاوانی سەر بە بەڕێوەبەرایەتیمان, نۆ دەرۆزەکەریان دەستگیرکرد کە لەشەقام و شوێنە گشتییەکان کاری دەرۆزەکەریان دەکرد.

ئاماژەی بەوەشکرد، لەئێستادا سەرجەمیان كە خەڵکی دەرەوەی شاری سلێمانین، بەبڕیاری بەڕێز دادوەری تایبەتمەند ڕاگیراون و پەڕاوی لێكۆڵینەوەیان بۆ كراوەتەوە.

جەختیشیکردەوە، هەڵمەتی دەستگیركردنی ئەو كەسانەی كە كاری دەرۆزەكردن دەكەن بەردەوام دەبێت و دەرۆزەكەران دەستگیردەكرێن و ڕووبەڕووی یاسا دەكرێنەوە.