ئەمڕۆ ئەنجامى تاقیکردنەوەى دیاریکردنى ئاستى زمانى ئینگلیزى ڕادەگەیەنرێت

وەزارەتى خوێندنى باڵاو توێژینەوەى زانستى لە ڕاگەیەندراوێکدا بڵاویکردەوە، سەعات (4)ى ئێوارەى ئەمڕۆ دووشەممە ڕێکەوتى (2025/8/18) ئەنجامى تاقیکردنەوەکانى دیاریکردنى ئاستى زمانى ئینگلیزى لە سێنتەرى زمانى زانکۆکانى هەرێمى کوردستان بۆ خوێندکارانی خوێندنی باڵا و خوازیارانى بەدەستهێنانى نازناوى زانستى ڕادەگەیەنرێت.
بۆ وەرگرتنەوەى ئەنجامى تاقیکردنەوەى کۆتایی ئاستەکانى زمانى ئینگلیزى لە سێنتەرى زمانى زانکۆکانى کوردستان کلیک لەسەر ئەم بەستەرەى خوارەوە بکەن لە بەشى (Exames):
https://lc.digital.gov.krd/#/login
جێگەى ئاماژەیە؛ بە سەرپەرشتی وەزارەتی خوێندنی باڵا و توێژینەوەی زانستی 1 هەزار و 892 خوازیار لە (14) سێنتەری زمانی ئینگلیزی لە زانکۆ حکومییەکانی هەرێمی کوردستان بەشداریان کرد لە تاقیکردنەوەی دیاریکردنی ئاست (Placement test)ى زمانی ئینگلیزی