جەماوەر نیوز
ئینریکی دوپاتیکردەوە دۆناروما لە دەرەوەی پلانەکانیەتی و دەیانەوێت بەردەوام بن لە نوسینەوەی مێژوو.
لویس ئینریکی راهێنەری یانەی پاریس سان جێرمان پێش یارییەکەیان بەرامبەر تۆتنهام لە سوپەری ئەوروپا رایگەیاند، دەیانەوێت بەردەوام بن لە نوسینەوەی مێژوو.
ئینریکی دوپاتیکردەوە کە ئامانجیان ئەوەیە لە وەرزی داهاتوودا جارێکیتر نازناوی چامپیۆنز لیگ بەدەستبهێنن کە ئەوەش ئەرکێکی قورسە چونکە بەدەستهێنانی دووەم نازناوی بەدوای یەکی ئەو پاڵەوانێتییە ئاسان نییە.
ئینریکی وتی، پشوویەکی کەممان بەڕێکرد و ئامادەکاری زۆر باشمان نەکردووە، جگە لەوەش نازانم کلیلی بردنەوەی تۆتنهام چی دەبێت لەم یارییەدا بەڵام دەبێت بەردەوام کۆنترۆڵی یاریگا بکەین.
وتیشی، تۆنتهام راهێنەری گۆڕیوە و چەندین گرێبەستی نوێی ئەنجامداوە و ماوەی زیاتر لە یەک مانگە ئامادەکاری و راهێنان دەکەن بەڵام نابێت ئەوە بکەینە بیانو ئەگەر تووشی شکستهاتین.
دەشڵێت، دوورخستنەوەی رۆنارومای گۆڵپارێز لە لیستی ئەم یاریە و پلانەکانی وەرزی نوێ لە سەدا سەد بڕیاری منە، ئەو یەکێکە لە باشترینەکانی جیهان و بڕیارەکەم قورس بووە بەڵام پێویستمان بە گۆڵپارێزێکە کە شێوازی جیاوازی هەبێت.