تۆماس فرانک: ئامادەین بۆ رووبەڕووبونەوەی پاریس

13.08.2025
جەماوەر نیوز
فرانک رایگەیاند ئامادەکاری باشیان کردووە و ئامادەن بۆ یارییەکەیان بەرامبەر پاریس.
تۆماس فرانکی راهێنەری یانەی تۆتنهام پێش یارییەکەیان بەرامبەر پاریس سان جێرمان رایگەیاند، بیسۆمای لەم یارییە دوورخستووەتەوە لەبەرئەوەی چەند جارێک دواکەوتووە لە راهێنانەکان.
تۆماس فرانک وتی، دەبێت سوود لەو ئامادەکارییە باشەکانمان وەربگرین لەپێناو بردنەوەی ئەم یارییە چونکە یانە فەرەنسییەکە ماوەیەکی کەم راهێنانیان کردووە و ئەوەش کاریگەری ئەرێنی دەبێت بۆ ئێمە.
وتیشی، پاریس زۆر هیلاکن وەرزی رابردوو درێژخایەن بووە بۆیان و بەشداریش بوون لە مۆندیالی یانەکان لەبەرئەوە هەلێکی باشمان لەبەردەمدایە تا بتوانین بردنەوەیان بەسەردا بەدەستبهێنین.
دڵنیاییدا لەوەی کە یانەکەی بە باشترین شێوە ئامادەن بۆ ئەم یارییە و دڵنیان لەوەی کە رووبەڕووبونەوەیەکی بەهێز چاوەڕێیان دەکات.
لە کۆتاییشدا دوپاتیکردەوە، کریستیان رۆمێرۆ یاریزانێکی گرنگی یانەکەیانە و توانای ئەنجامدانی کاری گەورەی هەیە، سۆلانکێش بۆ وەرزی نوێ ئامادەدەبێت.

بابەتی هاوشێوە

زۆرترین خوێندراو

  • ڕۆژ
  • هەفتە
  • مانگ