جەماوەر نیوز
دوای کۆتایهاتنی وەرزی حەج، یەکەم کاروانی عومرەکارانی هه‌رێمی كوردستان له‌ دوای ته‌واوبوونی وه‌رزی حه‌ج، بەڕێگەی وشکایی لە هەولێرەوە بەرەو سعوودیە بەڕێکەوت و ژمارەیان 90 کەسە.
 شه‌وی ڕابردوو یەکەم کاروانی عومرەکارانی هه‌رێمی كوردستان لە دوای کۆتایهاتنی وەرزی حەج بەرەو سعوودیە بەڕێ کەوت.
بەرێوەبەرایەتیی گشتیی حەج و عومرەی کوردستان لە ڕاگەیاندراوێکدا ئاشکرای کرد، دوای ئامادەکردنی پرۆژەیەک و پەسەندکردنی لە لایەن وەزارەتی ئەوقاف و کاروباری ئایینیی حكوومه‌تی هه‌رێمی كوردستان بە مەبەستی بەرەوپێشبردنی پرۆسەی عومرە لە هەرێمی کوردستان و خزمەتکردنی عومرەکاران، ڕێنمایی و مەرجەکانی ئەو کۆمپانیانە ڕێکخراونه‌تەوە، تاوەکوو لە زووترین کاتدا گەشتەکانی عومرە دەست پێبکەنەوە.