جەماوەر نیوز
پارتی دیموكراتی كوردستان و یەكێتیی نیشتمانیی كوردستان دەست بە كۆبوونەوەكانیان بۆ پێكهێنانی كابینەی دەی حكومەتی هەرێمی كوردستان دەكەنەوە و سەرچاوەیەكی باڵای یەكێتیش وادەی كۆبوونەوەی داهاتوو ئاشكرا دەكات.
 پارتی و یەكێتی وەك براوەی یەكەم و دووەمی هەڵبژاردنی پەرلەمانی كوردستان، لەماوەی ڕابردوودا زنجیرەیەك كۆبوونەوەیان لە ئاستی باڵا و تیمی تەكنیكی بۆ پێكهێنانی كابینەی دەیەمی حكومەتی هەرێمی كوردستان کردووە، بەپێی وتەی بەرپرسانی هەردوولا گفتوگۆكان گەیشتوونەتە خاڵەكانی كۆتایی و ڕاگەیاندنی كابینەكە نزیكە.
سەرچاوەیەك لە مەكتەبی سیاسیی یەكێتیی نیشتمانیی كوردستان  ڕایگەیاند: وابڕیارە ئەم هەفتەیە جارێكی دیكەی یەكێتی و پارتی تایبەت بۆ گفتوگۆكردن لەسەر پێكهێنانی كابینەی دەی حكومەت كۆببنەوە بەڵام تاوەكوو ئێستا دیار نییە كە شاندی پارتی دێن بۆ سلێمانی یان شاندی یەكێتی لە سلێمانییەوە دەچن بۆ هەولێر.