جەماوەر نیوز

ئەمڕۆ ۲۳ـی تەمموزی ۲٠۲٥ محەمەد حاجی مەحمود، سەرۆکی حزبی سۆسیال دیموکراتی کوردستان بەئامادەبوونی حەمەی حەمەسەعید، وەزیری ڕۆشنبیری حکومەتی هەرێمی کوردستان و پارێزگار و قائیمقامی هەڵەبجە و ژمارەیەک لە لێپرسراوانی فەرمانگەکانی پارێزگاکە و بەرپرسانی حزبی، پێشوازییانکرد لە بەڕێز دکتۆر لەتیف ڕەشید، سەرۆک کۆماری عێراق و خاتوو شاناز ئیبراهیم ئەحمەد، خانمی یەکەمی عێراق و شاندی یاوەریان. 
لەدیدارێکدا، گفتوگۆ کرا دەربارەی بارودۆخی سیاسی عێراق و ناوچەکە بەگشتی و دۆخ و گوزەرانی هاونیشتمانیانی کوردستان بەتایبەتی.
دکتۆر لەتیف ڕەشید، لەمیانی سەردانەکەیدا، تاجەگوڵینەی ڕێز و وەفای لەسەر مەزاری شەهیدان دانا و دواتر لە مۆنۆمێنتی هەڵەبجە لە وتارێکدا تیشکی خستە سەر قوربانیدان و تێکۆشانی خەڵکی هەڵەبجە و ناوچەکە و پیرۆزبایی لە خەڵکی سنورەکە کرد بەبۆنەی بە پارێزگا بوونی هەڵەبجەوە.