جەماوەر نیوز
پێشەوا هەورامانی، وتەبێژی حکومەتی هەرێمی کوردستان ڕایگەیاند، یەک دوو وردە بیانوو هەبوو بۆ نەناردنی مووچەی هەرێم بەڵام ئەمڕۆ بڕیارە پارەکە بنێرن.

پێشەوا هەورامانی بە میدیای پارتی ڕاگەیاند: شەوی ڕابردوو بە بیانووی نەبوونی سیولەوە ویستیان ناردنی مووچە دوابخەن، بەڵام ئەمڕۆ بەڵێنیان داوە چارەسەری سیولەش بکەن و پارەی مووچەی مانگی پێنجی فەرمانبەران ڕەوانە بکەن.

وتیشی: وەزارەتی دارایی هەرێم ئامادەکاری خۆی کردووە بۆ ئەوەی لەگەڵ گەیشتنی پارەکە، دەست بە دابەشکردنی مووچە بکرێت و گوێ بەوەش نەدرێت پشوو بێت یان ڕۆژانی ئاسایی.

باسی لەوەشکرد، حکومەتی هەرێمی کوردستان هەرچی ئیلتزاماتی سەرشانی هەیە جێبەجێی کردووە، بۆیە دەستوەردان هەبووە چ لەناوەوەی عێراق و دەرەوەش کە بەم جۆرەی ئێستا بابەتی مووچەی هەرێم نابێت بەردەوام بێت.