جەماوەر نیوز

شاندێکی حکوومەتی هەرێمی کوردستان بۆ پرسی مووچە لە بەغدایە

23.07.2025
وێنەکان
شاندێکی حکوومەتی هەرێمی کوردستان بۆ پرسی مووچە لە بەغدایە
جەماوەر نیوز

لە چوارچێوەی ڕێککەوتنەکەی لەگەڵ حکوومەتی عێراق، شاندێکی حکوومەتی هەرێمی کوردستان چووەتە بەغدا و ژمارەیەک کۆبوونەوە ئەنجام دەدات. 

شاندەکەی حکوومەتی هەرێمی کوردستان لە بەڕێوەبەرانی گشتیی ژمێرکاری و بودجە لە وەزارەتی دارایی و ئابووریی و بەڕێوەبەری گشتیی بانکەکانی هەرێمی کوردستان پێکهاتووە و  بڕیارە ئەمڕۆ چوارشەممە، 23ـی تەممووزی 2025، لەگەڵ وەزارەتی دارایی عێراق و دیوانی چاودێریی دارایی فیدراڵ کۆببێتەوە. 

 سەردانی شاندەکەی هەرێمی کوردستان لە چوارچێوەی ڕێککەوتنی هەولێر و بەغدایە لەبارەی خەرجکردنی مووچەی فەرمانبەران، ڕادەستکردنی داهاتی نانەوتی و هەناردەکردنەوەی نەوتی کوردستان؛ هەردوو شاندەکە وردبینی لە داهاتە نانەوتییەکانی هەرێمی کوردستان دەکەن و پشکی حکوومەتی فیدراڵیش لەو داهاتانە دیاری دەکەن. هەروەها بە گوێرەی ڕێککەوتنەکە، پێویستە لە ماوەی دوو هەفتەدا کارەکانیان تەواو بکەن.


بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو

  • ڕۆژ
  • هەفتە
  • مانگ