جەماوەر نیوز
13 ڕۆژ لەبەردەم هاووڵاتیان ماوە بۆ پڕکردنەوەی فۆڕمی ئەلیکترۆنیی خۆراک و هەر کەسێک بەشەخۆراکەکەی وەرنەگرێت ناوی لە پسوولەی خۆراک دەسڕێتەوە و بەشە خۆراکەکەی دەگەڕێتەوە کۆگاکان.

نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازیی هەرێمی کوردستان ڕایگەیاند، "ڕێژەی تۆمارکردن 83%ـی تێپەڕاند، تاوەکوو 2025-08-25، دەرفەت لەبەردەم هاووڵاتیاندا ماوە بۆ ئەوەی ناو و زانیاریی خۆیان تۆمار بکەن."

 نەوزاد شێخ کامیل، سەبارەت بەگۆڕانکاری لە وەرگرتنی بەشە خۆراکی مانگانە ئاماژە بەوەدا، "لە چوارچێوەی سیستمی ئەلیکترۆنی پسوولەی خۆراک، لەمەوبەدوا نابێت بەشەخۆراک لای بریکارەکان بمێنێتەوە و ڕاستەوخۆ دەگەڕێندرێتەوە کۆگاکان، هەر هاووڵاتییەک لەکاتی دابەشکردنی بەشەخۆراک بەشەکەی وەرنەگرێت و لای بریکارەکان بمێنێتەوە، ڕاستەوخۆ ناوی لە پسوولە دەسڕدرێتەوە."