لەبارەی دەستگیرکردنی سەرۆکی جوڵانەوەی نەوەی نوێ  پارتی سۆسیال دیموکراتی کوردستان دەڵێت، نیگەرانین لە دەستگیرکردنی شاسوار عەبدولواحید، بەتایبەت کە داوا و بابەتەکان کۆنن و تازە نین.

ئەمڕۆ شەممە ١٦ـی ئابی ٢٠٢٥، دوای دەستگیرکردنی شاسوار عەبدولواحید، سەرۆکی جوڵانەوەی نەوەی نوێ  ئەمە کاردانەوەی ناوخۆیی و دەرەکی لێکەوتەوە، فەرهاد تۆفیق، وتەبێژی پارتی سۆسیال دیموکراتی کوردستان لەم بارەیەوە راگەیەندراوێکی بڵاوکردەوە.

لە راگەیەندراوەکەدا هاتووە،" وێڕای ئەوەی جەختدەکەینەوە لە سەروەربوونی یاسا و دادگاکان و بێلایەنی و دادپەروەری لە دادگاکان، ئێمە لە پارتی سۆسیال دیموکراتی کوردستان نیگەرانین لە دەستگیرکردنی سەرۆکی جوڵانەوەی نەوەی نوێ، لەم کاتەدا، بەتایبەت کە داوا و بابەتەکان داوای کۆنن و تازە نین" .