جەماوەر نیوز
شاخه‌وان عه‌بدوڵا جێگری دوه‌می سه‌رۆكی ئه‌نجومه‌نی نوێنه‌رانی عێراق رایگه‌یاند، كێشه‌ی نه‌وت و داهاتی نانه‌وتی چاره‌سه‌ركراوه‌ و به‌هه‌نارده‌كردنی نه‌وت راسته‌وخۆ موچه‌ی موچه‌خۆرانی هه‌رێمی كوردستان ره‌وانه‌ ده‌كرێت و ده‌شڵێت، "هیچ موچه‌یه‌ك نافه‌وتێت و موچه‌ی مانگه‌كانی (حوزه‌یران/6 و ته‌مموز/7)یش ره‌وانه‌ ده‌كرێت.

شاخه‌وان عه‌بدوڵا له‌لێدوانێكی رۆژنامه‌وانیدا  له‌ شاری كه‌ركوك رایگه‌یاند، "ئومێد هه‌یه‌ بۆ ناردنی موچه‌، ئه‌و گرفته‌ی گه‌وره‌ بو، بابه‌تی نه‌وت بو، ئێستا چاره‌سه‌ركراوه‌ و ئه‌و دۆسیه‌یه‌ داخراوه‌، لایه‌نه‌ ته‌كنیكیه‌كه‌ی له‌گه‌ڵ لایه‌نی توركیا باسده‌كرێت، به‌ڵام به‌گشتی هیچ كێشه‌یه‌ك له‌دۆسیه‌ی نه‌وت نه‌ماوه‌".

وتیشی، "به‌هه‌نارده‌كردنی نه‌وت، راسته‌وخۆ موچه‌ ره‌وانه‌ ده‌كرێت، موچه‌ی مانگه‌كانی (حوزه‌یران/6 و ته‌مموز/7)یش خه‌رجده‌كرێت و هیچ موچه‌یه‌ك نافه‌وتێت، كێشه‌ له‌داهاته‌ نانه‌وتیه‌كان بو ئه‌ویش چاره‌سه‌ركراوه‌ و ئه‌م چه‌ند رۆژه‌ گه‌یشتونه‌ته‌ چاره‌سه‌ری كۆتایی بۆئه‌و بابه‌ته‌".

ئه‌وه‌شیخسته‌ڕو، "له‌بواری داهاتی نانه‌وتیدا، حكومه‌تی هه‌رێم ئاسانكاری زۆری كردوه‌، ئه‌ویش به‌پێی یاسای ئیداره‌ی داراییه‌ كه‌ نیوه‌ی داهاته‌كه‌ی خه‌رجبكات، هه‌ربۆیه‌ هه‌فته‌ی داهاتو كۆمه‌ڵێك كرانه‌وه‌ به‌ڕوی موچه‌ و نه‌وت روده‌دات".