جەماوەر نیوز
بەڕێوەبەرایەتی گشتی حەج و عومرەی هەرێمی کوردستان وتی، هیچ گه‌شتێكی عومره‌ی ئاسمانی له‌ هەرێمەوە بۆ سعودیه‌ ناكرێت، تاوەکو عومره‌كارانی هەرێمی كوردستان له‌ سعودیه‌ به‌ فرۆكه‌ نه‌گه‌ڕێنه‌وه‌.

ئەمڕۆ سێشەممە ١٩ـی ئابی ٢٠٢٥، به‌رێوه‌به‌رایه‌تی گشتی حه‌ج و عومره‌ی كوردستان، لە راگەیەندراوێکدا وتی، وه‌ك هه‌ڵویستێك له‌ به‌رامبه‌ر دواكه‌وتنی گه‌ڕاندنه‌وه‌ی ئه‌و هاوڵاتییانه‌ی كه‌ به‌ فرۆكه‌ گه‌شتی عومره‌یان كردووه‌ و له‌ سعوودیه‌ گیریان خواردووه، به‌هۆی نه‌بوونی فرۆكه‌ ناچاربوون‌ به‌ پاس بگه‌رێنه‌وه‌ یاخود له‌وێ بمێننه‌وه‌ رێگه‌ به‌ هیچ گه‌شتێكی عومره‌ی ئاسمانی له‌ كوردستان ناده‌ن بۆ بردنی هاووڵاتیان بۆ سعودیه.

وتیشی،‌ تا هه‌موو ئه‌و عومره‌كارانه‌ی له‌وێن له‌ نزیكترین كاتدا نەگەڕێنەوە و دڵنیایی ته‌واو نه‌درێت هیچ گەشتێکی فڕۆکە لە هەرێمەوە بۆ سعودییە ئەنجام نادرێت.
به‌رێوه‌به‌رایه‌تی گشتی حه‌ج و عومرەی هەرێم ئاگاداریەکی بۆ هه‌موو كۆمپانیاكانی حه‌ج و عومره‌ بڵاوکردەوە دەڵێت، له‌ هه‌موو پارێزگا و ئیداره‌ سه‌ربه‌خۆكان هیچ گه‌شتێكی عومره‌ به‌ رێگه‌ی ئاسمانی رێك نه‌خه‌ن تا به‌رێوه‌به‌رایه‌تی گشتی حه‌ج و عومره‌ رێگه‌یان پێدەدات.
ماوه‌یه‌كه‌ به‌ هۆكاری جیا جیا گه‌شته‌كانی عومڕه‌ به‌ هێڵی فرۆكه‌وانی عیێراقی كه‌م و كوڕی و نارێكیان تێدا كه‌وتووه به‌هۆیه‌وه‌ هه‌زاران عومڕه‌كارانی كوردستان و عێراق له‌ سعوودیه‌ گیریان خواردووە.