بڕ‌یار رەشید: بەغدا شایستەی جوتیاران خەرج دەكات

19.08.2025
جەماوەر نیوز
ئەندامێكی ئەنجومەنی نوێنەرانی عیراق رایگەیاند: بەمنزیكانە وەزارەتی دارایی بڕ‌ی پارەی پێویست بۆ شایستەی جوتیاران خەرج دەكات.
بڕ‌یار رەشید ئەندامی ئەنجومەنی نوێنەرانی عیراق لەلێدوانێكدا رایگەیاندوە: بەدواداچونیان بۆ خەرجكردنی پارەی گەنمی جوتیاران كردوەو بەمنزیكانە وەزارەتی دارایی بڕ‌ی پارەی پێویست بۆ شایستەی جوتیاران تەرخاندەكات.
بڕ‌یار رەشید بە سایتی فەرمی یەكێتی راگەیاندوە: لەبەدواداچون و پەیوەندی بەردەوامدان لەگەڵ حەیدەر نوری بەڕ‌ێوەبەری گشتی بەبازاڕ‌كردنی دانەوێڵەی سەر بە وەزارەتی بازرگانی پێی ر‌اگەیاندون كە بڕ‌یارە لەمنزیكانەدا وەزارەتی دارایی پارە بۆ جوتیاران خەرج بكات بەجوتیارانی هەرێمی كوردستانیشەوە.
لەسەرەتای وەرزی بەبازاڕ‌كردنی گەنمەوە زیاتر لە 200 هەزار تۆن گەنم لەجوتیارانی هەرێمی كوردستان وەرگیراوەو سایلۆكانیش بەبڕ‌ی 850 هەزار دینار بۆ هەر تۆنێك گەنمیان لە جوتیاران وەرگرتوە.

بابەتی هاوشێوە

زۆرترین خوێندراو

  • ڕۆژ
  • هەفتە
  • مانگ