بەڕێوەبەرایەتیى گشتیى گەشتوگوزارى هەڵەبجە دەڵێت، ئاگرەکەى سنوورى پارێزگاى هەڵەبجە زيانێكى گه‌وره‌يه‌ بۆ كه‌رتى گه‌شتوگوزار و ژێرخانى گه‌شتيارى له‌ سنووره‌كه، ئه‌وه‌ى له‌ ماوه‌ى ئه‌م چه‌ند رۆژه‌ سووتا به‌ چه‌ندين ساڵ قه‌ره‌بوو ناكرێته‌وه.

بەڕێوەبەرایەتییەکە لە راگەیەنراوێکدا دەڵێت، رووداوى ئاگركه‌وتنه‌وه‌كه‌ى گوندەکانى چنار و مۆردین و نەیجەڵە لە سنووری پاریزگای هەڵەبجە سه‌ره‌ڕاى زيانى گيانى و ژينگه‌يى، زيانێكى گه‌وره‌يه‌ بۆ كه‌رتى گه‌شتوگوزار و ژيرخانى گه‌شتيارى له‌ سنووره‌كه‌، ئه‌وه‌ى له‌ ماوه‌ى ئه‌م چه‌ند رۆژه‌ سووتا به‌ چه‌ندين ساڵ قه‌ره‌بوو ناكرێته‌وه‌.

دەشڵێت، درووستكردنى دارستانێک چەندین ساڵ و چه‌ندين هه‌وڵى مرۆيى و تيچووى مادى پێوێسته‌، بەڵام له‌ چركه‌ساتێكدا به‌ هۆكارى سروشتیی يان كه‌مته‌رخه‌میى كه‌سانێك له‌ناوچوون.
ئاماژە بەوەشکراوە، له‌پێناو پاراستنى سروشتى جوانى هەرێمی كوردستان داوا له‌ هاووڵاتيان و گه‌شتياران ده‌كه‌ين له‌ كاتى سه‌ردانيان بۆ ناوچه‌ گه‌شتيارييه‌كان پاشماوه‌ى ئاگر به‌جێنه‌هێڵن و نه‌بنه‌ هۆكارى شێواندنى ناوچه‌ گه‌شتيارييه‌كان.