جەماوەر نیوز
بەڕێوەبەری راگەیاندنی حەج و عومرەی هەرێمی كوردستان رایگەیاند، تەنیا لەیەك رۆژدا زیاتر لە 300 كەس ناوی خۆیان بۆ حەج  تۆمار كردووە.
كاروان ستونی بەڕێوەبەری راگەیاندنی حەج و عومرەی هەرێمی كوردستان رایگەیاند، پڕۆسەی تۆماركردنی ناوی حاجییان بەراورد بە ساڵانی رابردوو زۆر خێراتر بەڕێوەدەچێت، ئەمەش لەبەرئەوەی ئێستا بێ بەرامبەرە و رێكارەكانیشی ئاسانترن.
ئاماژەی بەوەشكرد، تاوەكو ئێستا 25 هەزار و 186 كەس ناویان تۆمار كردووە و تەنیا ئەمڕۆ زیاتر لە 300 كەس ناوی خۆیان بۆ حەج تۆمار كردووە.
بەڕێوەبەری راگەیاندنی حەج و عومرەی هەرێم باسی لەوەشكرد، ئەگەر بەم شێوەیە بەردەوام بێت، پێشبینی دەكەن ئەم ساڵ نزیكەی 100 هەزار كەس ناویان تۆمار بكەن.