جەماوەر نیوز
وەزارەتی شارەوانی و گەشتوگوزاری هەرێم، ڕەزامەندیداوە لەسەر خەرجكردنی سێ گوژمە بەمەبەستی جێبەجێكردنی سێ پڕۆژەی خزمەتگوزاری لە بواری ئاو و شارەوانیدا لە سنوری سەرۆكایەتیی شارەوانیی سلێمانی.
وەزارەتی شارەوانی و گەشتوگوزار حكومەتی هەرێم بڵاویكردەوە، گوژمەكان لەسەر ڕێژەكانی 100%ی داهاتی سەرۆكایەتیی شارەوانیی سلێمانی و 17%ی داهاتی بەڕێوەبەرایەتیی ئاوی سلێمانییە و بەپێی یاسا و ڕێنماییەكانی دارایی تایبەت بە داهات لەلایەن وەزارەتی شارەوانی و گەشتوگوزارەوە ڕەزامەندی خەرجكردنیان دراوە.
ئاماژە بەوەشدراوە، پڕۆژەكان بریتین لە ڕاكێشانی تۆڕی ئاو بۆ جیاكراوەكانی 59-60ی كەرتی 2 قڕگە، ڕاكێشانی بۆریی ئاو لە گەڕەكی ڕاپەڕین، هەرەوەها جێبەجێكردنی پڕۆژەی كاری كۆنكرێتكردن و ڕاكێشانی كربستۆن بۆ تۆڕی شەقامی جیاكراوەی نۆكانی 140 قڕگەی بەردەم وێستگەی ئاوی قڕگە لە گەڕەكی ماردین.