محەمەد حاجی مەحمود پەیامێکی بەبۆنەی کۆچی دوایی تێکۆشەری دێرین سەید کاکە بڵاوکردەوە کە ئەمەش دەقەکەیەتی:

بەناوی خوای گەورە و میهرەبان
بەداخ و پەژارەیەکی زۆرەوە هەواڵی کۆچیدوایی سەرکردەی ماندونەناس، تێکۆشەری دێرین کاک (سەید کاکە)مان پێگەیشت.
کاک (سەید کاکە) لەماوەی زیاتر لە حەوت دەیەی خەباتی بەردەوامدا، بەوپەڕی دڵسۆزییەوە تێکۆشاوە، لە شۆڕشی ئەیلولدا وەک فەرماندەیەکی دلێر، لە زۆربەی داستان و سەروەرییەکان ڕۆڵی دیار و گرنگی گێڕاوە، لە شۆڕشی نوێشدا یەکێک بووە لە دەستەی دامەزرێنەری بزوتنەوەی سۆسیالستی کوردستان و ئەندامی کۆمیتەی ناوەندی و مەکتەبی سیاسی حزبی سۆسیالست و لەزۆربەی چالاکییە سیاسی و پێشمەرگەییەکانی سنوری دەشتی هەولێردا سەرقافڵەی مەیدانەکە بووە.
بەم بۆنە خەمناکەوە، پرسە و سەرەخۆشی لە خۆمان و بنەماڵە و کەسوکار و هاوڕێ و هاوسەنگەرانی خوالێخۆشبوو دەکەین.
داواکارم لە خوای گەورە کاک سەید کاکە بە به‌هه‌شتی به‌رین ببەخشێت و ‌سەبر و ئارامیش به ‌هەموولایەک.
إنا لله وإنا إليه راجعون
لەگەڵ ڕێزدا