جەماوەر نیوز
به‌ڕێوه‌به‌رایه‌تی گشتی كاره‌بای پارێزگای سلێمانی نرخی هه‌ر كیلۆواتێك كاره‌بای بۆ ستییه‌كان دیاریكرد كه‌ بڕه‌كه‌ی 243 دیناره‌ و ده‌شڵێت، "ئه‌گه‌ر زیاتر له‌و نرخه‌ وه‌ربگرن روبه‌ڕوی رێكاری یاسایی ده‌كرێنه‌وه‌".

كاره‌بای پارێزگای سلێمانی له‌ڕاگه‌یه‌ندراوێكدا بڵاویكرده‌وه‌، "ئه‌مڕۆ سێشه‌ممه‌ لیژنه‌ی باڵای دیاریكردنی نرخی كاره‌بای كۆمه‌ڵگاكانی نیشته‌جێبون (ستییه‌كان) كۆبونه‌وه‌یه‌كی ئه‌نجامدا و تیایدا نرخی كیلۆواتی كاره‌بای مۆلیده‌ی بۆ مانگی (ئاب/8) دیاریكرد، كه‌ بریتییه‌ له‌ (243) دینار بۆ هه‌ر كیلۆواتێك.

به‌گوێره‌ی نرخی گازوایل له‌بازاڕ و ئه‌و توێژینه‌وه‌یه‌ی بۆ خه‌رجی مۆلیده‌ی ستییه‌كان ئاماده‌كراوه‌، نرخی كیلۆوات ئاوه‌ڕێك كاره‌بای مۆلیده‌ی ستییه‌كان بۆ ئه‌م مانگه‌ (ئاب/8) بریتییه‌ له‌ 243 دینار.

ئاماژه‌ی به‌وه‌شكردوه‌، "هاوكات بۆ ئه‌و ستییانه‌ كه‌ تاكه‌ سه‌رچاوه‌ی كاره‌بایان مۆلیده‌یه‌ و كاره‌بای نیشتمانیان نییه‌ نرخی كیلۆواتیان 226 دیناره‌.

ئه‌وه‌شیخستۆته‌ڕو، پێویسته‌ سه‌رجه‌م ستییه‌كانی سنوری پارێزگای سلێمانی پابه‌ندبن به‌نرخه‌كه‌وه‌، به‌پێچه‌وانه‌وه‌ ئه‌گه‌ر زیاتر له‌و نرخه‌ وه‌ربگرن روبه‌ڕوی رێكاری یاسایی ده‌كرێنه‌وه‌.