جەماوەر نیوز
سەرۆکایەتیی شارەوانیی سلێمانی ناوی ئەو فەرمانبەرانە ئاشکرا دەکات، کە ئەمڕۆ زەویان بەسەردا دابەش دەکرێت.

 لە کابینەی نۆیەمی حکومەتی هەرێمی کوردستان بڕیاری دابەشکردنی زەوی بەسەر فەرمابەران و خانەنشین و پێشمەرگەدا درا، نزیکەی ساڵێکە هەنگاوەکانی ئەم پرۆسەیە دەستیپێکردووە و چەند قۆناغێکی بڕیووە.

 ڕۆژی 28-8-2025، سەرۆکایەتیی شارەوانیی سلێمانی لیستی ناوی ئەو فەرمانبەرانەی بڵاو کردەوە، کە ئەمڕۆ پێنجشەممە بەشێوەی تیروپشک زەویان وەرگرتووە.

17 هەزار و 827 فەرمانبەر لە تیروپشکەکەدا زەویان بەسەردا دابەش کراوە.  

 ئەو زەوییانەی شارەوانیی سلێمانی بەسەر فەرمانبەراندا دابەشی کردوون، دەکەونە ئەم شوێنانە: گەڕەکی لاوان کە دەکەوێتە تانجەرۆ، گەڕەکی فەرمانبەران کە دەکەوێتە نزیک تاسڵوجە، گوندی سۆتکە کە دەکەوێتە نزیک فەرماندەیی یەکەی حەفتا لەسەر ڕێگەی تاسڵوجە - سلێمانی.