جەماوەر نیوز
ئاسایشی سلێمانی دەڵێت، چوار کەس بە تۆمەتی کوستنی هاوڵاتییەک لە دهۆک کە پێشتر هەڵهاتبوون، لە ئوتێلێکی سلێمانی خۆیان حەشاردابوو، دەستگیرکران.

ئەمڕۆ هەینی ٢٩ـی ئابی ٢٠٢٥، ئاسایشی سلێمانی بڵاویکردەوە، چوار تۆمەتبار لە یەکێک لە هۆتێلەکانی شاری سلێمانی دەستگیرکران کە بەمەبەستی خۆحەشاردان روویان لە سلێمانی کردبوو.

وتیشی، ئەو تۆمەتبارانە لە ساڵی ٢٠٢٤ لە پارێزگای دهۆک لەسەر کێشەی کۆمەڵایەتی هاوڵاتییەکیان کوشتووە و هەڵاتوون، بەڕێوەبەرایەتیەکەش لە ١٩ـی ئابی ئەمساڵەوە لەدوای چاودێری و بەدواداچوون و کۆکردنەوەی زانیاری، بە بڕیاری دادوەری لێکۆڵینەوەی ئاسایش توانی هەر چوار تۆمەتبار دەستگیربکات.
دەشڵێت، لە ئێستادا تۆمەتباران بە ماددەی (٤٠٦) لە یاسای سزادانی عێراقی راگیراون و بەپێی تایبەتمەندی دۆسیەکەیان، رادەستی بەڕێوەبەرایەتی پۆلیسی پارێزگای دهۆک دەکرێنەوە.