جەماوەر نیوز
وەزیری تەندروستی هەرێمی كوردستان داوا لەحكومەتی عیراق دەكات هەرێمی كوردستان لە بەخشینەكانی نێودەوڵەتی بێبەش نەكات.
سامان بەرزنجی وەزیری تەندروستی لە پرێس كۆنفرانسێكدا ئاماژەی بەوەكرد، قەیرانی ئابوری و شەڕی داعش و پەتای كۆرۆنا لێكەوتەكانی بەسەر كەرتی تەندروستی هەرێمی كوردستانەوە ماوە، سەرباری قەیرانەكان، بەڵام خزمەتگوزاری تەندروستی زیاتر بوە.
وتیشی: پەیوەندییەكی پتەویان لەگەڵ رێكخراوی تەندروستی جیهانی هەیە بەتایبەت لەكاتی قەیرانەكان هەروەها كار لەسەر بیمەی تەندروستی دەكەن بۆ ئەمەش رەشنوسێكیان ئامادەكردوە كە لە ئەنجومەنی وەزیران و ئەنجومەنی شورا پەسەندكراوە لە ئایندەدا لە پەرلەمانی كوردستان بە دەنگدان لەسەری پەسەند دەكرێت و وەك یاسا جێبەجێ دەكرێت لە هەرێمی كوردستان.
وەزیری تەندروستی لەبارەی پرۆژە یاساكەوە وتی: یاساكە لەپێناو بەرزكردنەوەی ئاستی خزمەتگوزاری تەندروستییە بۆ هاوڵاتیان.