جەماوەر نیوز
تۆمەتباری روداوی تەقەکردنەکەی نیوەڕۆی دوێنێ سلێمانی دەستگیرکرا، ئاسایشی سلێمانیش رایگەیاند، سێ هاوکاری دیکەی تۆمەتبارەکە دەستگیرکراون.
بەهۆی کێشەی کۆمەڵایەتیەوە، نیوەڕۆی دوێنێ 22ـی11ـی2025  لەشاری سلێمانی هاووڵاتییەک تەقە لەئامۆزایەکی دەکات و بەسێ گوللـە برینداری دەکات و هەڵدێت.
بەڕێوەبەرایەتی ئاسایشی پارێزگای سلێمانی رایگەیاند، لەسەر روداوەکە دەستبەجێ بەدواداچوون و لێکۆڵینەوەی دەستپێکرد، هەروەها بەبڕیاری دادوەری لێکۆڵینەوەی ئاسایش تۆمەتباری تەقەکەری روداوەکە و سێ هاوکاری دەستگیرکران.
ئاماژەی بەوەشکرد، لەئێستادا تۆمەتباران بەبڕیاری دادوەری لێکۆڵینەوەی ئاسایش بەماددەی  31/405 دەستگیرکراون و لێکۆڵینەوە لەدۆسیەکانیان بەردەوامە.