جەماوەر نیوز


کەشناسیی هەرێمی کوردستان، رایگەیاند، سبەینێ باران دەبارێت و ئەگەری دروستبوونی هەورەبرووسکە هەیە.
بەڕێوەبەرایەتیی گشتیی کەشناسی و بومەلەرزەزانیی هەرێم، رایگەیاند، ئەمڕۆ یەکشەممە، لە ئەنجامی هاتنی نزمەپاڵەپەستۆیەکی لاواز بۆ سەر ناوچەکەمان، کەشی ناوچەکەمان نیمچە هەور دەبێت، لە کاتەکانی ئێوارە و شەودا، پێشبینی نمەباران لەسەر هەندێک ناوچەی شاخاوییەکان هەیە بەشێوەی نمەبارانی پچڕپچڕی کەم، هەروەها پلەی گەرمی نزیکدەبێتەوە لە تۆمارەکانی دوێنێ.
باسی لەوەشکرد، سبەى دووشەممە، لە ئەنجامی بەردەوامی ئەو نزمە پاڵە پەستۆ لاوازەی کە تاوەکو کاتەکانی نیوەڕۆ بەردەوامیدەبێت، پێشبینیدەکەین سبەی ئاسمان نیمچەهەور بێت، هەروەها پێشبینی باران دەکەین لە ناوچە شاخاوییە سنوورییەکان و بەشێک لە ناوچە شاخاوییەکانی سنووری پارێزگای سلێمانی، هەروەها ئەگەری دروستبوونی هەورەبرووسکە هەیە، پاشنیوەڕۆ کەشەکە ئاساییدەبێتەوە و ئاسمان دەگۆڕێت بۆ پەڵەهەور، پلەی گەرمیش بەراورد بە ئەمڕۆ 3-2 پلەی گەرمی دادەبەزێت.