جەماوەر نیوز
وەزیری ئاوەدانکردنەوەی هەرێمی کوردستان، وادەی دەستپێکردنی رێکارەکانی پڕۆژەی جووتسایدی سەیدسادق-پێنجوێنی راگەیاند.
دانا عەبدولکەریم، وەزیری ئاوەدانکردنەوە و نیشتەجێکردنی هەرێمی کوردستان لە لێدوانێکدا رایگەیاند، بەشی زۆری رێکارەکان بۆ دەستپیکردنی پڕۆژەی جووتسایدی سەیدسادق-پێنجوێن تەواوکراون، لە ئایندەیەکی نزیکدا رەزامەندی بۆ دەدرێت و ساڵی داهاتوو دەست بە جێبەجێکردنی پڕۆژەکە دەکرێت.
وتیشی، پڕۆژەکە بۆ سنووری پێنجوێن و سەیدسادق، زۆر گرنگ و ستراتیجییە.
سەبارەت بە چاککردنی پڕۆژەی رێگەی سازان لە هەڵەبجە، ئاماژەی بەوەکرد، رێکارەکانی چاککردنی رێگەکە تەواوبووە و بڕیارە ساڵی داهاتوو دەست بە جێبەجێکردنی ئەو پڕۆژەیەش بکرێت.