جەماوەر نیوز
کۆمپانیای جیلی ئۆتۆ (Geely Auto)ی چینی، سەنتەرێکی نوێی بۆ تاقیکردنەوەی سەلامەتی ئۆتۆمبێل کردەوە، کە بڕی وەبەرهێنانەکەی نزیکەی ٢٨٤ ملیۆن دۆلاری ئەمریکییە.
ئەم هەنگاوە بۆ بەدەنگەوەچوونی داواکاریی بەردەوامی لایەنە پەیوەندیدارەکان و بەکاربەرانە لەناو چین و دەرەوەی چین، بۆ بەدەستهێنانی ئۆتۆمبێلی باشتر و متمانەپێکراوتر.
سەنتەرە نوێیەکە توانای ئەنجامدانی ٢٧ جۆری جیاوازی تاقیکردنەوەی سەلامەتی دەبێت، کە ئۆتۆمبێلە ئاساییەکان، زیرەکەکان و کارەباییەکان دەگرێتەوە.
کۆمپانیای جیلی جەختی لەوە کردووەتەوە کە سەلامەتی پاترییەکان و متمانەپێکراوی سیستەمی لێخوڕینی زیرەک (وەک سیستەمەکانی یارمەتیدەری شۆفێری پێشکەوتوو) بوونەتە گرنگترین پێشینەی بەکاربەران، بۆیە ئەم سەنتەرە نوێیە یارمەتیدەر دەبێت لە چارەسەرکردنی ئەم نیگەرانییانە.